Ilisimatusarneq
GreenHAB pillugu
Quajaatit ulorianartut (HABs) tassaapput immap naasui tappiorannartut amerlasuut toqunartunik pilersitsisartut imaluunniit avatangiisinut allanut ajoqusiisartut, uumasoqatigiit atuuffiinut aamma atornerinullu ulorianartorsiortitsisartut. HAB-it kiattuni sumiiffiit sineriaannit pingaarnertut ilisimaneqaraluartut artit ulorianartunngortartut Issittup imartaani annertusiartortumik ukiuni kingullerni nalunaarsorneqartalerput. Nunarsuarmi allanngoriartornerit Issittumi kissakkiartortitsilereerput, tamannalu sumiiffinni taakkunani
artit ulorianartut siammariartortitsivoq. Issittumi artit ulorianartut pillugit ersiutinik, isornartunik aamma sunniutinik paasinnissinnaanissatsinnut siumullu ilisimaarinninnissatsinnut matumani suliniut ilusilersugaavoq.
Tamanna ima angussavarput: a) artit ulorianarsinnaasut ukkataralugit massakkut quajaateqarfiit immikkoortitsissavagut; b) avatangiisini pissutsini allanngorartuni tappiorannartut ulorianartunut aamma uloriananngitsut takussutissartaasa akornanni uumasutigut aamma ineriartornikkut allanngorarnerup paasinissaanut ilisimatusarneq; c) avatangiisit ulorianartunut aamma uteqqiattut tappiorannartunut ulorianartunut amerlanerulersitsisartut (tipping) suussusersiniarlugit uumasoqatigiinnut allanngorartunut takussutissamik pilersitsineq; aamma d) kalaallinut aalisartunut sumiiffimmilu soqutiginnittunut inernerit taakkua aamma siunissami aarlerinarsinnaasut paasitillugit.